Un móvese desde sempre, nace movéndose. Ve outros corpos movéndose e aprende a entender a sensación que eses movementos que ve albergan. Unha anda e sente a sensación que xa imaxinara que tiña esa á que viu andando, antes ca ela. Un aprende a xirar porque capta a enerxía que emana do que xira. Un salta, unha cae, un toca, unha abraza, entrelázase... Un ve un paxaro e pode imaxinar o que sente o paxaro ao voar. Pero un non pode voar. Unha baila as primeiras veces sen saber aínda que o que fai ten un nome. Logo ve a xente que se move de formas prodixiosas. Parece que voan, parece que xiran eternamente, parece que teñen pernas que parecen brazos... Pregunta: que é iso? Respóndenlle: están a bailar. E entón sabe que el tamén quere bailar, porque xa sente o que esoutros corpos están a sentir pero quere sentilo aínda máis, necesita sentir o que hai neses límites. Aí comeza un camiño. Empezas a practicar accións, pasos, movementos, posicións, secuencias. Non pensas demasiado. Fas, repites, practicas, buscas o ángulo, a maneira, ás veces centraste na forma e outras confías na sensación. Logo pérdeste. Veste con todo iso e non sabes moi ben para que usalo, como poderá servir. Xa viches algúns corpos enchendo eses códigos, desafiándoos, con toda a súa forza e toda a súa historia e todo o seu cansazo e toda a súa plenitude. Sabes que están aí para todos, son tamén teus. Só tes que atopar a túa maneira. De que os vas encher ti? Por onde empezar?         Jesús Rubio Gamo

Elenco: Eva Alonso, Olaia Valle, Arantza Iglesias, Raúl Pulido e Diego Pazó

Bailaríns suplentes: Clara Pampyn e Alberto Alonso

Idea, coreografía e dirección: Jesús Rubio Gamo

Voz, música e palmas: Blanca Paloma, Desiré Paredes e Paz de Manuel

Venda de entradas:

Despacho de billetes da praza de Ourense: de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función das 16.00 ás 20.00 h

Venda en liña