Con todo, as expedicións de ambos á Antártida acabaron en senllos fracasos. Ademais de sufrir a humillación de saber que o noruegués Amudsen chegara ao polo antes que el, Scott, e os catro homes que lle acompañaron, morreron conxelados en marzo de 1912. Os seus corpos foron achados oito meses despois.

En 1915, Shackleton partiu de Inglaterra, facendo escala en Vigo, co obxectivo de atravesar o Polo sur. Pero o Endurance quedou atrapado polo xeo e a tripulación tivo que abandonar o barco e sobrevivir durante meses ás xélidas temperaturas e a escaseza de alimentos. Aínda así Shackleton logrou salvar aos 27 homes da tripulación.

A pesar de non lograr o seu obxectivo, as dificultades polas que pasaron e os coñecementos científicos que achegaron sobre a Antártida convertéronos en auténticos heroes. Tanto que a súa fama ha ensombrecido a fazaña de Amudsen. Por primeira vez en España, e no ano en que se localizaron os restos do Endurance baixo as augas do mar de Weddell, veremos imaxes das dúas expedicións tomadas por dous grandes fotógrafos da época, Herbert Ponting e Frank Hurley. A mostra presenta unha combinación de paisaxes de impresionante beleza que contrastan coas fotografías das duras condicións de vida de ambas as tripulacións. Quizá nelas podamos atopar a resposta ao gran enigma. ¿Que é o que leva a unha persoa para lanzarse a unha aventura tan extrema?

Se vivísemos, debería contar a historia da audacia, resistencia e coraxe dos meus compañeiros.

Diario de Scott, uns días antes de morrer. Marzo 1912