Un mozo solitario cae do ceo e comeza a historia de Varekai.  

Ao aterrar nas sombras dun bosque máxico, un mundo caleidoscópico cheo de criaturas fantásticas, o mozo emprende unha aventura á vez absurda e extraordinaria. Ese día no límite de tempo, nese lugar de posibilidade pura e sen diluír, empeza un inspirado esconxuro a unha vida redescuberta e a unha marabilla recentemente atopada nos misterios do mundo e da mente.

A palabra Varekai (pronunciado ver·ai·'kie) significa en calquera lugar en lingua romaní dos xitanos, os nómades universais.

Escrita e dirixida por Dominic Champagne, esta produción rende homenaxe ao espírito nómade, á alma e á arte da tradición do circo, así como á infinita paixón dos que buscan o camiño que leva a Varekai.

Varekai xorde dunha explosiva fusión de drama e acrobacias. O imposible faise posible nas impresionantes demostracións de habilidade e poder contra a música innovadora e decorados doutro mundo, entrelazados cunha expresiva coreografía que nos fala a todos na linguaxe universal do movemento.

O péndulo do tempo oscila cara atrás, rendendo tributo ás tradicións circenses antigas e estrañas de xogos icarianos e danza xeorxiana. Varekai entón catapúltase ao futuro con viravoltas revolucionarias en números tales como as randeeiras rusas e a Superficie Esvaradía.
Varekai destaca un elenco internacional de 50 artistas e músicos de 19 países diferentes.