Un ano máis o MAC acolle o Festival Internacional de Curtametraxes Animacam presentando unha selección de 50 películas procedentes dos cinco continentes. Nesta nova edición destacan curtametraxes premiadas en varios festivais internacionais como Annecy, Ottawa, Anima Mundi ou Melbourne e inclúe curtas seleccionadas para os nosos máis próximos premios Goya, como "La nit de l'oceà". As obras seleccionadas foron realizadas por algúns dos profesionais máis recoñecidos dentro do xénero da animación e abarcan multitude de técnicas, subxéneros e temáticas, garantindo así a satisfacción de todos os públicos e permitindo gozar dun conxunto de obras realmente interesante e fascinante para os/as amantes deste tipo de cinema. Seguindo a práctica habitual, o premio á mellor curtametraxe, dotado de 3.000 euros, será outorgado polo MAC mediante as votacións das persoas asistentes. O Festival Animacam chega no 2017 á súa sexta edición con millóns de seguidores e co beneplácito do mundo da animación, grazas ao seu carácter global, aberto e independente.

Proxeccións en versión orixinal con subtítulos en inglés

Non se permite o acceso á sala con bebida e/ou comida

Programa e horarios do festival