Os Premios de Innovación do Foro Europeo de Educación de Galicia "Rafael Rodríguez Martín", buscan identificar, recoñecer e promover a grupos de docentes comprometidos e comprometidas coa innovación educativa en Galicia, a través do desenvolvemento de iniciativas didácticas que axuden a construír unha rede de propostas educativas que inspiren transformación e innovación e que sexan facilmente transferibles a outras contornas educativas.

Solicitude e prazos de presentación

O formulario de inscrición aos premios é o seguinte: https://forms.gle/2kdCZ5G3Kq9Srxbw8

Este formulario permitirá enviar todos os datos de contacto necesarios para o rexistro do proxecto, así como os arquivos coa documentación necesaria para a valoración do proxecto.

Os traballos recibiranse desde o 6 de marzo de 2026 ata o 6 de maio de 2026.

A publicación do proxecto gañador realizarase o 18 de maio de 2026.

Bases e información

As bases, así como toda a información sobre o programa, pódense consultar a través da seguinte ligazón: https://feaegalicia.es/vi-convocatoria-de-premios-innovacion-feae-galicia/

Para calquera dúbida en relación á inscrición do proxecto poden poñerse en contacto coa organización na dirección de correo feaegalicia@gmail.com