A Biblioteca Fórum Metropolitano organiza unha visita guiada ao Castro de Elviña, un dos enclaves arqueolóxicos máis emblemáticos da Coruña e un referente para comprender a cultura castrexa en Galicia. Acompañados por persoal especializado, percorreremos as súas estruturas defensivas, vivendas e espazos comunitarios, descubrindo como era a vida neste asentamento durante a Idade de Ferro e a época romana. A actividade forma parte do ciclo "Regreso ao pasado: historia ignota" e está pensada para todos os públicos interesados en coñecer o noso pasado de forma próxima e didáctica. Esperámoste para gozar dunha viaxe fascinante ás orixes da cidade.

Actividade con inscrición previa.