25 de diciembre de 2020
As persoas consumidoras destes bonos remataron os 355.000 euros de financiación máxima antes do prazo ampliado, o 31 de decembro de 2020 O concelleiro de Economía, Facenda e Réxime Interior, José Manuel Lage, asegura que “as cifras falan por si mesmas e os resultados dos Bonos do PRESCO están sendo un éxito” e, di, “o tecido cultural da cidade da Coruña conta xa con 355.000 euros de financiación por parte do Executivo local”
A cidadanía confirma o éxito dos Bonos Cultura do PRESCO ao esgotalos antes de rematar o prazo que o Concello da Coruña ampliou até o 31 de decembro de 2020. O investimento máximo que se destinou ao sector cultural a través destes bonos desconto era de 355.000 euros, unha cantidade que as e os consumidores esgotaron esta semana coas últimas compras de Nadal nos 73 establecementos adheridos da cidade.
O concelleiro de Economía, Facenda e Réxime Interior, José Manuel Lage, asegura que "as cifras falan por si mesmas e os resultados dos Bonos do PRESCO están sendo un éxito" e, di, "o tecido cultural da cidade da Coruña conta xa con 355.000 euros de financiación por parte do Executivo local que dirixe Inés Rey". Ademais, o concelleiro destacou que as e os consumidores "gabaron esta iniciativa do Concello" ao conseguiren "grandes descontos" nos seus libros, cómics, instrumentos musicais e demais productos que ofrecen os establecementos adheridos aos Bonos Cultura.
Desde a Concellería de Economía, Facenda e Réxime Interior apuntan que os descontos do PRESCO para a cultura propiciaron 15.748 transaccións nestes locais, que facturaron un total de 839.980 euros en vendas. Lembran que os descontos para a hostalaría e o comercio local seguen activos e operativos para todas as persoas consumidoras até o último día deste ano.
O PRESCO, cuxa vixencia remata o 31 de decembro, supuxo a mobilización de 13,2 millóns de euros en distintas liñas de axudas. Aínda que o plan remata este mes, os pagos ás e aos solicitantes das axudas directas continuarán a producirse durante o arranque do 2021. Máis de 2.500 persoas autónomas, micropemes, artistas e profesionais de distintos ámbitos teñen percibido xa fondos municipais para a reactivación económicos procedentes das distintas liñas do plan.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible