22 de junio de 2020
A Fundación “la Caixa” ofrece até o 19 de xullo en colaboración co concello un mosaico de 38 imaxes en branco e negro, que pertencen ao proxecto “Xénese”, en que o fotógrafo brasileiro retrata os lugares máis virxes do planeta xunto ás xentes e á fauna que os habita
Desde hoxe e até o 19 de xullo pódese ver nos xardíns de Méndez Núñez a exposición "Xénese", do fotógrafo brasileiro Sebastião Salgado, que retrata os lugares máis virxes do planeta, xunto ás xentes e aos animais que os habitan nun mosaico de 38 imaxes en branco e negro. A Fundación "la Caixa" e o concello ofrecen ao aire libre as imaxes do que foi Premio Príncipe de Asturias das Artes, en que capta a inmensidade de paisaxes únicas no mundo para se deter nos detalles e formas de vida das comunidades humanas e construír así un discurso que fala de Madagascar, Botsuana, do Parque Nacional de Kafue en Zambia, da meseta do Colorado nos Estados Unidos, de Alaska ou do arquipélago das Galápagos, en Ecuador.
"Xénese" é o terceiro gran proxecto do artista. Concibido nun principio para denunciar a desaparición de espazos únicos, as experiencias vividas por Salgado levárono a cambiar o rumbo da súa investigación cara a espazos que se manteñen intactos. O resultado son 32 anos coa cámara ao ombro que deron en instantáneas de desertos xigantescos e de terras xeadas da Antártida, bosques tropicais e cordilleiras dunha presenza impoñente. O fotógrafo homenaxea a natureza en todo o seu esplendor e o mundo animal: "Sentín que era un privilexio contemplar os ciclos da vida en continua repetición", sinala Salgado. A mostra enmárcase dentro do acordo entre a Fundación "la Caixa" e a Xunta para a celebración do Xacobeo 2021.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible