27 de marzo de 2020
Os e as axentes de policía que participaron neste dispositivo empregaron pantallas protectoras confeccionadas co material certificado que a empresa MAMPAT doou e que tamén se lles entregará aos Bombeiros, Protección Civil, Garda Civil, Policía Nacional, 061 e Servizos Sociais
A Policía Local levou a cabo este mediodía, seguindo as instrucións da autoridade competente, controis especiais nas saídas e entradas da cidade co fin de evitar os desprazamentos non xustificados por mor da chegada da fin de semana.
Todos os corpos e forzas de seguridade da cidade participaron neste dispositivo que se realizou nas principais vías de acceso e saída do municipio para impedir o éxodo dos vecinos e veciñas sen causa xustificada e, polo tanto, incumpren as normas decretadas polo estado de alarma.
Os e as axentes da Policía Local xa estiveron a utilizar nestes controis as pantallas de protección confeccionadas polo propio corpo de seguridade municipal seguindo as instrucións de MAMPAT, a empresa que lle doou ao concello da Coruña o material certificado necesario para a montaxe destas pantallas. Nestes momentos, tamén están a utilizar estes equipos de protección o corpo de Bombeiros, Protección Civil, Policía Nacional, 061 e a Garda Civil do centro penitenciario de Teixeiro. Ademais, xa se lles achegaron as primeiras pantallas ás entidades de Servizos Sociais e doutra índole: Ingesan, FEPAS, CLECE, Equipo de Atención Social (EAS), Hábitat, comedor social Novoboandanza, comedor social de Monte Alto, Padre Rubinos, Cáritas, Cociña Económica, ACCEM, Asociación Renacer, Fundación Amigó, Hogar Boanoite, SEMUS, Asociación Antonio Noche, Hogar Sor Eusebia, Centro de Acollida Betania e Fundación Hogar Santa Lucía.
O concello está a traballar tamén nunha actuación similar con xeles desinfectantes, que xa se están a repartir entre as entidades da cidade.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible