O Concello da Coruña pon en marcha o programa  "Recuncho do Xogo", unha proposta lúdica e formativa destinada a nenos e nenas de 4 a 12 anos que se desenvolverá durante as vacacións escolares de Semana Santa. O prazo de inscricións para esta actividade estará aberto dende o luns 31 de marzo ata o mércores 9 de abril.

A través dos 'recunchos', os nenos e nenas aprenderán a identificar e xestionar as súas emocións mediante xogos, dinámicas e obradoiros. Ademais, a iniciativa forma parte das políticas municipais de apoio á conciliación.

Convocatoria de inscricións

As inscricións realizaranse na conserxería do centro cívico onde se solicite a praza e tendo en conta os seguintes aspectos: 

• As prazas son limitadas e asignadas por orde de inscrición.
• Só se permite unha inscrición por menor.
• No caso de menores con necesidades educativas especiais, a inscrición farase no centro cívico correspondente, garantindo unha praza por centro asignada por orde de solicitude.

Detalle da actividade e sedes

A iniciativa "Recuncho do Xogo" desenvolverase en diversas sedes, entre as que se inclúen:

• C.C. Sagrada Familia
• C.C. Cidade Vella
• C.C. A Silva
• C.C. Monte Alto
• C.C. Castrillón
• C.C. San Diego
• C.C. Os Mallos
• C.C. Eirís
• C.C. Mesoiro
• C.C. Novoboandanza
• C.C. Elviña
• C.C. Os Rosaís
• C.C. Monelos
• C.C. Palavea
• C.C. Santa Lucía
• C.C. San Pedro de Visma
• C.C. Artesáns
• C.C. Pescadores
• C.C. Feáns
• C.C. Castro Elviña

Horarios e modalidades

• Horario xeral: 10.00 a 14.00
• Horario ampliado: 9.00 a 14.30 

Nos centros cívicos con horario ampliado, os usuarios poderán elixir entre ambas opcións.

A consolidación de programas deseñados para a conciliación e a formación responde ao compromiso do Goberno de Inés Rey por mellorar a calidade de vida das familias coruñesas e facilitar recursos útiles durante os períodos non lectivos.