13 de enero de 2021
A concelleira de Benestar Social, Igualdade e Participación, Yoya Neira, apuntou á “importancia de traballar neste tipo de iniciativas nunha vertente positiva e con referentes reais para as e os xoves” e destacou “o compromiso do Goberno local na loita para combater todo tipo de adiccións entre a mocidade”
O Concello, a través da Área de Benestar Social, en colaboración coa Asociación Agalure, lanza a campaña "Aposta pola parte boa do deporte", que busca aumentar a concienciación sobre un problema cada vez máis grave entre a mocidade como é a adicción ao xogo.
O pazo de María Pita acolleu esta mañá a presentación desta iniciativa na que participaron a concelleira de Benestar Social, Igualdade e Participación, Yoya Neira, o presidente de Agalure, Francisco Gil.
Yoya Neira apuntou a "importancia de traballar neste tipo de iniciativas nunha vertente positiva e con referentes reais para as e os xoves" e destacou "o compromiso do Goberno local na loita para combater todo tipo de adiccións entre a mocidade". A concelleira manifestou que se trata dunha "campaña de sensibilización en que as e os protagonistas son seis xoves deportistas da cidade, de entre 17 e 19 anos, que nos amosan que do deporte debemos quedarnos coa parte positiva, a diversión, a práctica deportiva, o compañeirismo, e que as apostas nunca son un xogo". Ademais, a campaña responde aos formatos de vídeo que utiliza a mocidade hoxe en día, como son as historias de Instagram e os vídeos de Tik Tok.
O presidente de Agalure apuntou que as cifras en España son preocupantes, "contamos coa taxa máis alta de Europa de ludópatas entre 14 e 21 anos". Pola súa banda, Neira matizou que "os datos poden ser máis preocupantes aínda se temos en conta a dificultade de cuantificar a dependencia do xogo en menores de idade porque precisamente non poden xogar de xeito legal".
A titular de Benestar Social concluíu agradencendo a súa presencia aos protagonistas da campaña e a Agalure "por esta idea e pola súa incansable labor na que saben que contarán sempre co apoio do Concello da Coruña".
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible