15 de abril de 2021
A edil de Medio Ambiente, Esther Fontán, considerou que a iniciativa “é moi relevante para os colectivos de persoas con tratamentos médicos que empregan obxectos punzantes e cortantes, como poden ser as persoas diabéticas ou con problemas de inmunodeficiencia”
A concelleira de Medio Ambiente e Sustentabilidade, Esther Fontán, asinou esta mañá un convenio co presidente do Colexio Oficial de Farmacéuticos da Coruña, Héctor Castro, para a recollida selectiva de elementos punzantes e cortantes coas farmacias da cidade. O obxectivo, sinalou Fontán, "é que as xiringas non cheguen a Nostián e dese xeito se protexa o persoal traballador da planta".
A concelleira indicou que hoxe o Goberno de Inés Rey dá un paso adiante neste proxecto pioneiro na cidade herculina, "que consideramos moi relevante para os colectivos de persoas con tratamentos médicos que empregan obxectos punzantes e cortantes, como poden ser as persoas diabéticas ou con problemas de inmunodeficiencia". Explicou que o Concello da Coruña proporcionaralles os contedores ás farmacias, así como a información dos protocolos de actuación que cómpre seguir tanto para as e os profesionais farmacéuticos como para a veciñanza. Ademais, apuntou, "tamén distribuiremos uns pequenos recipientes entre as persoas usuarias de tratamentos médicos que empreguen xiringas para que as almacenen nos seus fogares antes de baleiralos nas farmacias". O Concello marcará unhas rutas de recollida periódica destes contedores de xiringas, que posteriormente serán tratados como un residuo sanitario.
A titular de Medio Ambiente agradeceu a disposición do COFC para levar a cabo este "proxecto pioneiro na nosa cidade e o labor de todas e todos os profesionais das farmacias polo seu traballo na primeira liña de atención á cidadanía neste ano tan duro".
Pola súa banda, Héctor Castro agradeceulle a Fontán "a colaboración brindada para este proxecto de futuro que é un acto de corresponsabilidade de ambas as entidades que evitará riscos laborais, sanitarios e ambientais". O obxectivo, apuntou o presidente do COFC, é que as 133 farmacias da cidade se vaian adherindo a este programa e así "potenciar a faceta da oficina de farmacia pola súa proximidade á veciñanza, pola accesibilidade horaria e porque detrás sempre hai un/unha profesional sanitario/a que resolverá as dúbidas sobre esta xestión de residuos selectiva", concluíu.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible