12 de febrero de 2020
Inés Rey asegurou que a reunión coa Administración autonómica foi positiva e anunciou que continuarán as reunións nas vindeiras semanas
A alcaldesa, Inés Rey, reuniuse esta mañá co conselleiro de Sanidade, Jesús Vázquez Almuíña, no que foi un encontro de carácter político e técnico para avanzaren no proxecto de ampliación do CHUAC. A xuntanza tamén contou coa presenza da conselleira de Infraestruturas, Ethel Vázquez, o concelleiro de Infraestruturas, Juan Díaz Villoslada, e o persoal técnico de ambas as administracións.
O Concello formuloulle á Xunta a posibilidade de que estude modificar a disposición do hospital co obxectivo de reducir o impacto sobre as vivendas afectadas en Eirís. A alternativa que o Goberno local lle propuxo ao autonómico suxire desprazar os ambitos de crecemento do hospital cara o norte, sen variar o volume de novos espazos programados, e reordenar as superficies públicas libres de construcións de cara a minimizar as expropiacións de carácter residencial que se prevén necesarias.
Inés Rey aclarou que polo de agora esta proposta municipal non está cerrada, senón que é unha idea para que a Xunta a analice e vexa se é posible minimizar o impacto sobre as vivendas afectadas e sobre os viarios.
Rey explicou que o proxecto se encontra nun estado "case embrionario" e que "a partir de aí ambas as administracións empezaremos a traballar da man e coordinadamente para que exista un único proxecto.
"Nas vindeiras semanas comezaremos a estudar o borrador do convenio que recollerá as obrigas tanto da Administración local como da Administración autonómica con respecto á construción e ás comunicacións e infraestruturas necesarias para dotar de accesos esa nova edificación. E traballar tamén xa nunha mesa máis técnica coas propostas máis técnicas que se vaian facendo desde a consellería e desde o concello de cara á ordenación dos viarios e a construción desas novas comunicacións", sinalou a alcaldesa.
Así mesmo, a rexedora indicou que "estamos no período de analizar posibles solucións e minimizar os impactos, co fin de poder dicir con máis detalle cantas vivendas estarán afectadas, pero o obxectivo tanto da Administración autonómica como da local é que esa afectación sexa mínima. Evidentemente haberá expropiacións porque pola propia localización do hospital faise necesario, pero que trataremos de que sexan de mínimo impacto, as mínimas posibles".
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible