20 de febrero de 2021
Adoptaranse todas as medidas de seguridade establecidas polas autoridades sanitarias debido á COVID-19
O mercado de produtos ecolóxicos e de proximidade regresa mañá ao Campo da Leña tras meses de parón debido ás restricións pola pandemia. Faino polo momento cunha capacidade do 50%, é dicir con tan só dez postos, para garantir as medidas de seguridade e a distancia social, e sen a carpa onde se organizan actividades para nenas e nenos e persoas adultas, que se retomarán unha vez que as autoridades sanitarias o permitan.
A partir de mañá, habilitarase unha entrada ao mercado, onde se colocará xel hidroalcólico, e a saída realizarase por un lugar distinto, para garantir a distancia social.
A concelleira de Comercio, Mercados e Barrios, Diana Cabanas, que visitará mañá o mercado, sinala que o Goberno local impulsa este tipo de comercio para responder á demanda e incrementar o número de persoas consumidoras na Coruña. E asegura que o que se busca con este tipo de iniciativas é facilitarlle á veciñanza a compra de alimentos ecolóxicos e de proximidade.
Desde a Concelleria de Comercio apuntan que a pandemia supuxo un maior apoio ao comercio e á produción local. "É importante apoiar as produtoras e os produtores locais aos que a crise do coronavirus prexudicou; unha situación da que se están intentando recuperar", subliña a concelleira
Tamén destaca o cambio que nos últimos anos se produciu nos hábitos de compras e na alimentación Por iso é necesario darlles prioridade aos produtos de proximidade e comprar no comercio local co fin de axudarmos a revitalizar a nosa economía e de apostarmos por un consumo máis sustentable. "Aquí podemos facer unha compra eco, variada e a moi bo prezo; unha cesta sustentable", di.
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible