17 de octubre de 2020
Esta mañá a alcaldesa, Inés Rey, e a concelleira de Deportes, Mónica Martínez, visitaron a Cidade Deportiva de Abegondo para presenciar o último adestramento do RC Deportivo antes do inicio da tempada
A alcaldesa da Coruña, Inés Rey, e a concelleira de Deportes, Mónica Martínez, e o alcalde de Abegondo, José Antonio Santiso, visitaron a Cidade Deportiva de Abegondo para presenciar o último adestramento do RC Deportivo antes do inicio da tempada, que comeza mañá co partido que xogará o equipo branquiazul co Salamanca ás 19.00 h no Estadio de Riazor.
Na visita a alcaldesa sinalou que "A nosa obriga é defender a cidade e con ela a un dos seus grandes símbolos, o Dépor". Rey quíxolles desexar "moita sorte en nome de toda a cidade neste inicio de tempada. Quixera apelar a ese espírito de unión dos últimos meses, da cidade, o equipo, a afección. Conseguistes que todos nos uníramos cun mesmo obxectivo. O acontecido serviu para darnos conta de que xuntos podemos loitar. Sen dúbida, sodes un dos símbolos máis importantes da cidade e por iso imos estar sempre con vós".
"A admirable resposta da afección, con máis de 20.000 socios e socias, demostra unha vez máis que na Coruña e no deportivismo movémonos por valores moi distintos aos daqueles que quixeron manchar o noso nome. A renovada ilusión coa que enfrontamos esta nova tempada non só nos confirma como unha cidade e unha afección excepcional, senón que ademais servirá de recordatorio permanente de que o Dépor é un sentimento que vai máis alá dos resultados" asegurou a rexedora.
A maiores, a alcaldesa mostrou o seu "total convencemento de que tanto o club como as persoas que mañá acudan a Riazor darán un exemplo de bo comportamento ante a difícil situación sanitaria que vivimos. "Conto con que nin dentro do estadio nin nos arredores veremos imaxes impropias destes tempos. Seremos exemplo de fidelidade ás cores e tamén de responsabilidade".
Por último, Inés Rey destacou a importancia socio-económica do Dépor, que "fará que mañá un partido de Segunda B vaia ser seguido por miles de persoas" así como asegurou que "o informe da Cámara de Comercio, que cifra en tres millóns de euros as perdas ocasionadas polo Caso Fuenlabrada, demostra que o Goberno local actuou correctamente ao iniciar accións legais contra LaLiga e o club madrileño", concluíu.
12 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible