Teatro do século XIX, de estilo ecléctico, situado en pleno centro da cidade e moi próximo á praza de María Pita. Acolle os máis prestixiosos eventos e espectáculos musicais.

Datos de interese: dispón dun escenario de 150 m2 e dunha capacidade de entre 601 e 673 localidades. En 1838 o Concello adquiriu o soar da antiga igrexa de San Jorge para construír o teatro e emitiu unha subscrición pública de accións para realizar a devandita construción. En 1841 finalízanse as obras do Teatro Nuevo ou Principal. En 1867 o teatro foi destruído por un incendio. En 1868 o teatro reconstruíuse. En 1909 toma o nome actual, Teatro Rosalía Castro. En 1910 o teatro adáptase para realizar proxeccións cinematográficas.

- A CARA OCULTA DO TEATRO