A Coruña, CidadEclipse
- Inicio
- Actualidade
- A Coruña, CidadEclipse
A Coruña, CidadEclipse
O concello ofrece unha ampla programación vinculada coa eclipse total de sol do 12 de agosto de 2026
A Coruña será un dos mellores lugares de Europa para gozar da eclipse total de sol prevista para o 12 de agosto de 2026. O concello constituíu unha comisión especial de seguimento para lle ofrecer á cidadanía e ao turismo a mellor experiencia posible.
Baixo o lema A Coruña, CidadEclipse, organizaranse exposicións, charlas divulgativas, accións culturais e crearanse puntos de observación para este acontecemento histórico, que non se vive na cidade dende 1905 e non se repetirá ata o ano 2180.
Accións previas
- Campaña divulgativa: O concello desenvolverá unha campaña en centros educativos e centros cívicos a partir do mes de marzo co obxectivo de informar á cidadanía de todo o que necesitan saber sobre a eclipse.
- Museos Científicos: Haberá unha programación especial do Planetario vinculada coa eclipse e organizarase unha exposición itinerante.
Accións para o 12 de agosto
- Puntos de observación: haberá tres puntos de observación no Portiño, parque de Bens e monte de San Pedro, para os que se deseñará un dispositivo de tráfico especial con aparcadoiros disuasorios.
- Puntos especiais de observación nos barrios: cada barrio e distrito dispoñerá dun punto especial de observación da eclipse e tamén se creará un punto accesible para as persoas con mobilidade reducida.
- Programación cultural especial: haberá diferentes accións culturais especiais, entre elas as actuacións da orquestra Los Satélites e un concerto especial da Banda Municipal de Música da Coruña, que interpretará bandas sonoras de películas con temática espacial.
Novidades
Cando:
O 29 de xul de 2026
Os Museos Científicos Coruñeses repartirán lentes homologadas para observar a eclipse do 12 de agosto
As persoas maiores de 16 anos poderán recollelas coa súa entrada aos museos ata esgotar existencias
Cando:
O 23 de xul de 2026
O Concello promove a observación segura da eclipse do 12 de agosto, coa repartición de caixas automontables nas sesións infantís do Planetario
As familias con menores de 10 anos que asistan aos programas das 11.30 e 17.00 horas poderán levar este método indirecto para observar o Sol
Cando:
O 19 de xul de 2026
A Casa das Ciencias ofrece case 160 prazas diarias para asistir ao documental inmersivo ‘3CLIPSE’, que achegará ao público ao fenómeno do 12 de agosto
Esta actividade, que se leva a cabo todos os días da semana en doble sesión, forma parte da programación cultural e divulgativa que está a promover o Concello de cara á xornada da eclipse solar
Cando:
O 14 de xul de 2026
Case 300 persoas integrarán o dispositivo especial de seguridade previsto polo Concello o mércores 12 de agosto, día da eclipse total de sol
A alcaldesa, Inés Rey, avanzou hoxe os preparativos que se están a ultimar de cara á xornada: estase a traballar para habilitar aparcadoiros disuasorios no campus e haberá liñas de reforzo no transporte urbano
Cando:
O 3 de xul de 2026
A Casa das Ciencias acolle a mostra ‘Eclipse de Viñetas’, con obras que apostan polo talento coruñés da banda deseñada
Trátase da primeira exposición da presente edición de Viñetas desde o Atlántico e forma parte da programación de ‘A Coruña CidadEclipse’
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible