Con máis de 60 millóns de copias de libros vendidas en todo o mundo esta triloxía é, sen dúbida, a historia de amor e sexo que máis deu que falar en moito tempo.
O que se conta no libro xa todos o sabemos pero, como o viviron os fogosos lectores e lectoras que andan repartidos por todo o mundo?

En 50 Sombras! O Musical, vivirás, ou mellor dito, revivirás todas esas sensacións, pensamentos e esa paixón desenfreada.

Un espectáculo con divertidos números musicais, esposas, moito coiro e sen pelos na lingua. Ou con eles! Onde non faltarán as escenas máis subidas de ton pero baixo a particular e divertida visión das nosas amigas do club de lectura.

50 SOMBRAS! O MUSICAL xa foi estreado en Estados Unidos, Alemaña, Holanda e Francia cun grandísimo éxito de crítica e público e agora, por fin, está en España. Fixo unha tempada de seis meses en Teatro Nuevo Apolo de Madrid con máis de 30.000 entradas vendidas.