Música e humor! Esta é a proposta da Gramola Gominola, un novo grupo de música infantil composto por músicos de bandas como Mamá Cabra, De Vacas, Festicultores Troupe ou Di Elas. Nos seus espectáculos fan unha didáctica viaxe pola historia da música onde o público poderá coñecer diferentes estilos que van dende o blues ao reggae, pasando polo pop, country, rock ou ska. Cunha posta en escena chea de enerxía, cor e momentos cómicos que gustará por igual a cativos e a maiores. 

Este repaso pola evolución da música moderna serve de fío condutor para falar de valores tan esenciais como a amizade, a natureza e os seus recursos, a familia... todos estes contidos nas súas letras.

O seu primeiro traballo homónimo, un libro-cd editado pola Editorial Galaxia en marzo de 2015, conta coa participación de grandes e recoñecidos artistas da escena galega como Mini e Mero, Luís Tosar, Gende Beat, Pablo Dalama ou Alberto Cereijo.

VENDA DE ENTRADAS

- DESPACHO CENTRAL DE BILLETES DA PRAZA DE OURENSE : de luns a venres (agás festivos) de 9.30 a 13.00 h e de 16.30 a 19.30 h.

- DESPACHO DE BILLETES DO FÓRUM: Aberto só os días de función desde unha hora antes (só se quedan entradas dispoñibles)

- TELEVENDA: 902 044 226 (luns a venres de 9 a 22 h; sábados de 14 a 22 e domingos de 16 a 21 h )