Seguindo a súa tónica de humor o mago Paco ofrécenos unha vez máis un espectáculo de maxia infantil cheo de risas, cor e moitas sorpresas.

A maxia do mago Paco caracterízase pola posta en escena de elementos visuais e moi rechamantes que provocan unha dinámica constante encima do escenario. Desta maneira ningún espectáculo é igual, todo depende da resposta do público, sobre todo dos máis pequenos, xa que é un espectáculo pensado por e para eles. Nel poderán xogar, rir, saltar, actuar... formando parte activa do seu fantástico mundo cheo de emocionantes aventuras.

Unha proposta diferente cun espectáculo moi participativo, cheo de complicidade entre o mago e o seu público e de momentos cheos de ilusión, divertidos, tolos, emotivos e sobre todo inesquecibles.

Preparade vosas mellores gargalladas porque comezamos!!