Obradoiros en familia:

O XARDÍN CIRCUNFLEXO: Paisaxes orgánicas.

Deseñaremos e construiremos un xardín orgánico, conformado por criaturas paisaxe; híbridos vexetais, minerais e animais, que configurarán un Todo vivo e interrelacionado. Unha paisaxe orgánica máxica, na que os soños poderán cobrar vida. Cada familia deseñará a súa propia paisaxe orgánica en forma de diorama, ao que lle farán fotografías de recordo.

Destinatarios: nenas e nenos a partir dos 5 años de idade, acompañados por unha persoa adulta.

Datas e horario: Sábados 14 e 21 de febreiro ás 12.00 h

Lugar: Sala municipal de exposicións Kiosco Alfonso

Duración: 60 min.

Información e reservas: ludidactica@gmail.com

Obradoiros de gravado:

DO GRAVADO Á ESTAMPACIÓN, con Xavier e Bérengère Lipreau

Xavier traballa cos obradoiros de gravado e litografía máis importantes de París desde sempre, facendo dos artesáns da estampación os seus compañeiros de viaxe e, co tempo, amigos e cómplices entrañables do seu traballo. Foi no famoso obradoiro de René Tazé onde comezou a súa colaboración con Bérengère Lipreau en 2019 e, desde entón, non deixaron de traballar xuntos, formando un dúo no que gravador e estampadora fusionan as súas visións da obra.

Para Xavier, facer un taller de gravado é algo excepcional, xa que para el a arte non é unha cuestión de ensinanza. O que se pretende lograr nesta master class é revelar parte desa maxia do traballo de gravado e todas as técnicas posibles para acadar o resultado desexado.

Presentar este taller con Bérengère Lipreau, herdeira indiscutible do savoir-faire tipicamente francés e de René Tazé -quen lle ensinou, ao longo de anos de práctica, todas as técnicas de estampación-, é a forma ideal de comunicar esta paixón que impulsa a Xavier desde os seus comezos.

Programa:

Martes 24 de febreiro:

9.00 - 10.30 h: Recepción do alumnado no Kiosco Alfonso e presentación das técnicas de gravado utilizadas por Xavier.

11.00 - 14.30 h: Taller en EASD Pablo Picasso, realización polos alumnos dunha placa coa técnica do azucre e "morsure au lavis d'acide"

14.30 - 16.00 h: Pausa comida

16.00 - 20.00 h: Taller en EASD Pablo Picasso, impresión dos gravados

Mércores 25 de febreiro:

10.00 - 15.00 h: Taller en EASD Pablo Picasso, demostración dos modos de impresión con diferentes técnicas.

17.00 - 20.00 h: Visita á exposición no Kiosco Alfonso e conclusión do taller con presentación dos traballos.

Destinatarios: Público xeral e alumnado da EASD Pablo Picasso

Datas: 24 e 25 de febreiro de 2026

Lugar: Sala de exposicións Kiosco Alfonso e EASD Pablo Picasso

Número de prazas: 12 (6 prazas para o público xeral + 6 prazas para alumnado da EASD)

Información e reservas: ate o 19 de febreiro na oficina da EASD Pablo Picasso, en horario de 10 a 14 horas. Deberá presentarse unha copia do DNI e o seguinte formulario, debidamente cumplimentado:

https://eapicasso.com/wp-content/uploads/2026/02/formulario_taller_Xavier_Berengere_EASDPP_edit.pdf