Volve Rapazz ao escenario do Baba Bar, que vén a ser o patio do seu recreo, o lugar preferido dos seus xogos, as súas andanzas, os seus desafíos e as súas aventuras musicais…

E como Rapazzes da rúa que son, para gozar necesitan ben pouco… imaxinación, ilusión, música… e sobre todo: amigos…

Se te fixas ben, os Rapazzes, como os nenos, nunca parecen felices…aínda que o son (e máis nun escenario…) Niso consiste a infancia, esa etapa da vida na que se é feliz sen sabelo…

Ven a non crer nada, nin sequera o jazz, nin o swing, nin o blues, nin a bossa, nin nada do que alí escoites… porque do que se trata é de gozar, de ser felices, aínda que non o saibamos…

Rapazz Sextet fórmano:

Bruno Couceiro Regueira (batería), Javier López Pallarés (baixo), Enrique Fernández Tornero (piano), Brais López Collazo (trompeta), Augusto Vázquez Losada (saxo tenor) e Luís Ramas Ramírez (saxo alto).