“Bailando cos contos” é un espectáculo de teatro e contos.

Algunha vez vimos a un conto bailar? Seguro que si.

Por que os contos bailan? Porque queren xogar.

Cando bailan? Iso témolo que adiviñar… Abride os contos e escoitade, só temos que estar atentos para saber cando queren bailar.

Andrea ea, ea chega coa súa maleta disposta a desvelarnos un segredo, os seus contos bailan, descubriuno un día por casualidade e agora non deixan de bailar pero para iso precisan escoitar música e contos.

“Bailando cos contos” presenta un espectáculo que vai fiando diferentes contos, todos relacionados co baile, a música ou as cantigas.

Espectáculo dinámico e divertido, recomendado para nenos e nenas a partir de 4 anos.