Neste universo acompáñao a súa filla Lumina, interpretada pola bailarina e actriz Jana Noguera. Lumiero desexa compartir con ela todos os segredos que garda detrás do seu vello farol. Xuntos descubrirán que a penumbra non ten por que resultar inquietante: pode ser un espazo cheo de historias, reflexos juguetones, sombras danzantes, humor e poesía.

A proposta combina teatro gestual, clown, danza, poesía visual, xogos de luces e música orixinal interpretada en directo. O movemento e a música permiten que os nenos sigan a historia de forma intuitiva, xa que é un espectáculo sen texto.

A banda sonora créase sobre o escenario con instrumentos tradicionais, obxectos e xoguetes musicais. Inclúe violoncelo, piano, saxofón, frauta, serra musical, guitarras, percusión e acordeón. A luz tamén funciona como un personaxe máis: xoga a contar unha historia e fai visible aquilo que, inicialmente, permanecía escondido.

• Disciplina: teatro visual, musical e gestual.
• Linguaxe escénica: clown, danza, música en directo e poesía visual.
• Dirección artística: Faló Garcia i Pellejà.
• Creación: Pere Hosta, Faló Garcia i Pellejà e Maria Cruz.
• Dirección escénica: Anna Castells.
• Dirección musical: Maria Cruz.
• Intérpretes e músicos: Pere Hosta, Jana Noguera, Faló Garcia i Pellejà, Maria Cruz e Edgar Casellas.
• Escenografía: Fanny Espinet e David Fauchs.

Puntos de venda de entradas:

• En liña: www.ataquilla.com
• Despacho de billetes da praza de Ourense: de luns a venres, de 11:00 a 15:00 e de 16:30 a 19:30 h, excepto festivos.
• Despacho de billetes do Centro Ágora: desde unha hora antes do comezo do espectáculo, sempre que queden entradas dispoñibles.