A Asociación Galega de Comunicación de Cultura Científica e Tecnolóxica realiza na Domus o seu VIII Encontro Anual de DivulgAcción.

O programa da tarde, que está aberto ao público, é o seguinte:

>> 17.00 horas

- Presentación da colección de divulgación xuvenil de Galaxia, Lanterna de Aristóteles, con Luisa Martínez, directora da colección.

• Puf! Vaia peido... seres sorprendentes con nomes ben ocorrentes. Charla e presentación coa autora, Luisa Martínez.
• A que cheiran as cores? Charla e presentación co autor, Casto Rivadulla.

- Charla e presentación do calendario 2020 de Ceos galegos, con Dosi Veiga, editor.

>> 18.30 horas. Conferencia de Ángela Bernardo, redactora da Área de Sanidade e Políticas públicas da Fundación Cidadá Civio. Durante a súa charla expoñerá o labor das/os xornalistas científicas/os, que non só se ocupan de contar os últimos avances da ciencia e a tecnoloxía, senón que tamén achegan a súa mirada crítica e a súa vocación investigadora.