Para festexalo realizará unha xira internacional na que convidará a novos artistas de toda a Península cos que acaba de gravar a nova película de Carlos Saura. Neste concerto especial ofreceranos unha viaxe polo seu universo musical conectando as tradicións celtas de Galicia, Irlanda, Escocia ou Bretaña e incorporando de forma pioneira tradicións musicais de toda a península.

Carlos Núñez está considerado internacionalmente como un músico extraordinario dos máis serios e brillantes do mundo, pero tamén é un Artista con maiúsculas: o seu carisma, a súa enerxía, o seu espírito pioneiro fixérono moi popular, traspasando con moito os límites habituais dos seus instrumentos. Son moitos os premios e nomeamentos que o avalan: Un Grammy polo disco gravado cos seus mestres The Chieftains; dous nomeamentos aos Grammy Latinos; Premio Ondas ao mellor directo e o Premio da Crítica Alemá, Preis der Deutschen Schallplattenkritik. Nos seus discos participaron Luz Casal, The Waterboys, Jackson Browne, Ry Cooder, Roger Hodgson de Supertramp e compartiu escenario con primerísimas figuras tales como Bob Dylan, Sinèad O'Connor e The Who.

Venda de entradas:

Despacho Central, praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función de 16 a 20 h

Venda telefónica: 902 044 226