O sábado 4 de xullo ás 12.00 h a Biblioteca Municipal Ágora acolle a charla divulgativa "Que é a meditación, cales son os seus beneficios, como podo aprender a meditar?", un encontro guiado polo mestre de meditación Jorge Rodríguez.

Nesta charla dará a coñecer que é a meditación, as súas orixes e os seus beneficios desde o punto de vista físico e psicolóxico. Explicará os distintos tipos de meditación, como aprender a meditar e a posibilidade de aprender a relaxarse, respirar, soltar, sentir, focalizar a atención e ser consciente do presente e durmir ben.

Sobre Jorge Rodríguez

Jorge Rodríguez iniciouse na meditación hai máis de 15 anos. Durante aproximadamente 10 anos, con Juan Ramón Sánchez Couso, profesor de meditación e tai chi na Coruña. Tamén realizou cursos-retiro con Pedro Vidal, mestre zen e teólogo, mestre á súa vez de Pablo D'Ors. Asistiu a diferentes retiros en Barcelona, Navarra, Pontevedra, e obtivo o título de profesor de meditación pola Sociedade Española de Meditación.