Despois dunha pausa obrigada pola pandemia, a Agrupación Astronómica Coruñesa Ío recupera o ciclo de conferencias Coruña científica este xoves 5 de agosto na Domus da Coruña. A astrofísica galega Olga Suárez, responsable da Oficina de Educación e Divulgación do Observatorio da Costa Azul, impartirá unha charla co título O universo da man das pioneiras da astronomía. Cando pensamos nos grandes personaxes que contribuíron a construír os nosos coñecementos do Universo, rapidamente veñen á cabeza nomes de grandes homes. Pero... houbo grandes mulleres? Somos capaces de citar algunha? Durante esta charla, Olga Suárez revisará diversos aspectos sobre os coñecementos actuais do Universo, apoiándose en descubrimentos feitos polas mulleres ao longo da historia. Máis info: aquí.