Este ciclo de charlas de divulgación científica, coordinado pola profesora Ana González Tizón e a Biblioteca Fórum Metropolitano, xorde da colaboración da Asociación de veciños de Oza, A Gaiteira e Os Castros e o Grupo de divulgación científica e innovación docente da Universidade da Coruña, UDCiencia i+d. 

Este grupo desenvolve unha intensa actividade no campo da divulgación científica, a innovación docente e a aprendizaxe-servizo.

O programa nace con vocación de permanencia. Será o último luns de cada mes ás 19.00 h na Biblioteca Fórum, con acceso libre até completar a capacidade.

O luns 31 de outubro temos a segunda charla do programa:

Submisión Química

A cargo das doutorandas e membros de UDCiencia Raquel Pérez Guevara e Icía Lista Pombo.

A administración de substancias químicas a unha persoa, sen o seu consentimento e sen o seu coñecemento incrementou notablemente e adquiriu grande relevancia social.

Na charla informaremos en que consiste realmente este fenómeno, que substancias poden estar implicadas, e cales son os síntomas principais, facendo especial fincapé no consumo de alcol.