De Chévere

Un personaxe entra en escena e conta que sufriu un ictus que lle impide completar os seus recordos. Sabe que tivo o ictus ao saír da Cidade da Cultura, despois dun acto que o goberno organizou para recibir o cadro de Castelao titulado A derradeira leición do mestre. Pero non lembra por que estaba alí ou por que lle interesaba ese cadro. Non pode lembrar nada anterior a que lle dese o ictus. Por iso necesita reconstruír todo o que esqueceu. Necesita recordar os detalles e completar os recordos que lle cómpren para non quedar illada e para non esquecer quen é. Vai empezar por reconstruír o momento inmediatamente anterior ao ictus, cando se supón que estaba nese acto na Cidade da Cultura. Para iso elabora un test de memoria que lles  envía a outras persoas que estiveron no acto. Quere saber por que estaba alí. Quere sabelo todo sobre aquel cadro. É o seu xeito de non esquecer o que importa.

Con Patricia de Lorenzo, Miguel de Lira, Borja Fernández, Gema Santos e Marcos Pereira

Dramaturxia/dirección: Xron

Unha coprodución de Chévere co Centro Dramático Nacional, co apoio de Agadic-Xunta de Galicia, a colaboración do Concello de Ames e do Concello de Santiago de Compostela

Venda de entradas soltas: 

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña