La panadera conta a historia de Concha, unha muller de corenta anos, encargada dunha panadería, casada, con dous fillos. Unha muller cunha vida tranquila e feliz que un día esperta coa nova de que polas redes sociais corre un vídeo íntimo seu mantendo relacións sexuais cunha parella que tivo hai 15 anos. O vídeo sae agora á luz e esténdese de xeito incontrolado porque ese home fíxose famoso en Italia grazas a un "reality" televisivo.

A nudez, a rabia, a impotencia, a vergoña e á dor salpican a todos os seus seres queridos. Dende seu pai, Ramón, un home de campo, nacido no trinta e oito, ao seu fillo, Gael, un neno de once anos, ao que trata de lle ocultar o acontecido, pero que sabe manexar un ordenador infinitamente mellor ca ela, ata o seu marido, Aitor, que intenta acompañar a Concha na dor, pero que non pode evitar deixarse invadir polo xuízo social.

As mensaxes cibernéticas sen piedade, que escondidas tras perfís sen nome, opinan, mófanse, e deshumanizan, chegan, e Concha terá que loitar para que o medo, a dor, as crenzas, o aprendido non a derrote. Intentando que o seu contorno familiar e social non salte polo aire.

La panadera é un desexo de parar a cadea, de romper crenzas, de tomar conciencia e dar confianza e soporte. É un desexo de unión, é un abrazo, é esperanza.

Con: César Cambeiro, Sandra Ferrús, Elías González, Susana Hernández e Martxelo Rubio

Dirección: Sandra Ferrús

Escenografía e vestiario: Elisa Sanz (AAPEE)

Iluminación: Paloma Parra

Música e espazo sonoro: Antonio de Cos

Vídeo escena: Elvira Ruiz

Axudante de dirección: Concha Delgado

Axudante de escenografía e vestiario: Paula Castellano

Fotos: Luz Soria

Unha coprodución do Centro Dramático Nacional, Açafrão Producciones, El Silencio Teatro e Iria Producciones

*Venda de entradas soltas a partir do 8 de setembro

- Despacho de billetes da praza de Ourense: de luns a venres das 11.00 ás 15.00 h e das 16.30 ás 19.30 h

- Despacho de billetes do Teatro Rosalía: só abre os días de función das 16.00 ás 20.00 h

- Venda en liña: Ataquilla.com

* Programación para persoas adultas. Idade recomendada a partir de 14 anos

* Unha vez que comece o espectáculo non se permitirá acceder á sala.