RECONVERSIÓN é un espectáculo de gran formato para público adulto, con oito actores-músicos que interpretan a banda sonora en directo. Entre o íntimo e o político, o proxecto, escrito e dirixido por Santiago Cortegoso, é un exercicio de memoria histórica arredor da reconversión no sector naval na Ría de Vigo. A obra céntrase na peripecia vital do pai do autor, un home que traballou no estaleiro de Ascón durante 30 anos. Esta figura sintetiza as vivencias de toda unha xeración, que sufriu o paro polo peche da factoría en 1984 e viveu as mobilizacións históricas que tiveron lugar nos anos 70 e 80. RECONVERSIÓN é unha viaxe desde a posguerra ata o "Felipismo" dos 80, pasando pola auxe da industria siderúrxica e a evolución desde un estilo de vida rural a unha sociedade capitalista.

Con:

Artur Abad: Percusións, Coro, Soplete, Outros

Cristina Collazo:Trompa, Coro, Avoa, Outras

Santiago Cortegoso:Percusións, Coro, O fillo

César Goldi: Percusións, Coro, Figueroa, Naranjito, Outros

Celia González:Clarinete, Coro, A nai, Outras

Davide González:Saxofón, Coro, Felipe González, Outros

Fran Lareu:Trompeta, Coro, O pai, Outros

Nani Matos:Tuba, Coro, Boyer, Outros

Texto e dirección: Santiago Cortegoso

Produción de Ibuprofeno teatro

Venda de entradas 

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña