O Planetario da Casa das Ciencias acolle o próximo 29 de agosto un concerto dos músicos Germán Díaz e Benxamín Otero, con visuais de Casf. Presentarán «Outras Trece Cancións Bonitas», o seu novo espectáculo baseado nunha selección de melodías que camiñan entre a música tradicional e composicións máis actuais. A sonoridade medieval da zanfoña, a elegancia do oboe e do corno inglés e o particular timbre dos instrumentos mecánicos crean un universo sonoro propio que retrata de maneira eficaz a nova linguaxe das músicas populares.

Haberá dúas sesións, ás 18.00 e ás 19.00 horas. Para asistir, hai que adquirir entradas, que poderán comprarse a partir das 11.00 horas do luns 25 de agosto. nesta ligazón.