A primeira semana do mes de xuño ten unha gran significación no calendario militar, pois celébrase a festividade do Día das Forzas Armadas, cuxo obxectivo principal é auspiciar o encontro e a comunicación entre os cidadáns civís e militares.

Na Coruña, o Cuartel Xeral da Forza Loxística Operativa organizou unha serie de actos, cos que se quere facilitar un mellor coñecemento das actividades dos Exércitos, a Armada e a Garda Civil por parte da poboación coruñesa.