Juan Manuel Montilla, alias El Langui, é actor, escritor (o seu libro "16 escalones antes de irme a la cama" vendeu xa 40.000 exemplares) e rapeiro español, do barrio madrileño de Pan Bendito.

Forma parte do grupo La Excepción e é, sen dúbida, un grande exemplo de superación e de arte inclusiva en todos os sentidos. É vital, positivo e posúe un gran sentido do humor.

El Langui gañou en 2008 o Premio Goya ao mellor actor revelación por 'El truco del manco' e o Premio Goya á mellor canción por 'A Tientas', canción principal da mesma película. Desde entón traballou en películas como Torrente 4, Fuga de cerebros 2, Cobardes e Con el vértigo en los talones.

Outra das facetas de El Langui é a de comunicador/conferenciante. Tamén desde hai varios anos imparte uhna serie de talleres de formación para persoas novas e non tan novas.

Estas conferencias realizáronse xa en diferentes cidades dirixidas a persoas de diferentes clases sociais e de contornos radicalmente opostos, ainda que a  lección aprendida é sempre a mesma: podemos chegar a onde nos propoñamos se poñemos empeño e esforzo en conseguilo. Sempre con actitude positiva.

Se te queres impregnar deste espírito e valores, non faltes!