"Conversas co Ágora" é un proxecto para achegar as persoas usuarias ao centro cultural, fidelizalas e que o fagan aínda máis seu. Unha actividade de ocio cultural, sen restricións de idade, na que durante uns horarios delimitados as/os participantes da actividade serán retratados/as. Propoñemos unha grande instalación empregando a sala central do vestíbulo, a cal constará dun bosque de imaxes.

Conversas co Ágora é un proxecto do fotógrafo coruñés Jacobo Ameneiro que nace da necesidade de poñer en valor o labor social e comunitario que se realiza nos centros culturais -cunha excelente e extensa programación de talleres caracterizados pola diversidade de oferta e pluralidade de persoas usuarias-.

A fascinación de reflectir este labor comunitario leva á creación deste proxecto concibido como unha celebración, unha festa arredor da acción social do retrato; durante todo o mes de maio foron retratadas aquelas persoas que asisten aos talleres do centro e que, ademais, quixeron participar nas conversas.

Este bosque de imaxes fai unha chiscadela á necesidade de traballar en prol da integración racial no centro.

LUGAR: 

Centro Ágora. Lugar da Gramela 17

15010 A Coruña

Tel.: 981 189 888

http://www.coruna.es/centroagora

agora@coruna.es