De centeo e durmideiras é o novo poemario da profesora, escritora e artista multidisciplinar Rosalía Fernández Rial, publicado nunha edición bilingüe por Cuatro lunas, un selo editorial de Kalandraka. Trátase dunha obra sensual, feminina e sinestésica na que a autora condensa paixón, vigor e sensibilidade.

A presentación contará coa participación de Yolanda Castaño -Premio Nacional de Poesía 2023- que, no limiar, salienta o "centrífigo fulgor" destes versos, "paisaxe de dous corpos femia de horizonte circular", engade no seu texto introdutorio.