A Asociación de Amigos da Casa das Ciencias organiza en colaboración co Aquarium Finisterrae unha actividade para nenos e nenas de 10 e 11 anos na que realizarán talleres sobre a biología de as quenllas (identificación, reproducción, alimentación, etc.) e durmirán na sala Nautilus rodeados de peces e quenllas.

Convocaranse dúas sesións para os meses de outubro e novembro, dirixidas a nenos e nenas nacidos entre o 1 de xaneiro de 2014 e o 31 de decembro de 2015, cun máximo de 20 prazas por sesión, e desenvolveranse nun horario que se estende desde as 20 horas dun venres ata as 11 horas do sábado seguinte.

A preinscrición para as dúas sesións, que serán o 27 de marzo e o 24 de abril, abrirase en liña ás 9 horas do 2 de marzo neste formulario. Terán preferencia os nenos e nenas que non acudisen á actividade con anterioridade.

Cada participante empregará o seu saco de durmir, esterilla e neceser para o aseo persoal, e deberá levar a súa propia comida e utensilios.

Programa de actividades en cada sesión

Venres

• 20 horas. Chegada e recepción no Aquarium Finisterrae.
• 20:30 a 22 horas. Taller sobre bioloxía das quenllas. Itinerario para identificar as especies do acuario, comezando no módulo de incubación de ovos destes peixes. Comezamos o taller de manualidade para facer un dente de quenlla.
• 22 - 22:30 h. Cea.
• 22:30 h. Alimentación de pintarrojas e alitanes na sala de corentena.
• 23:30 h. Retirada para durmir na Sala Nautilus.

Sábado

• 09 - 10 h. Diana, aseo, almorzo.
• 10 - 11 h. Finalizamos o taller para facer un dente de quenlla.
• 11 h. Recollida dos participantes.