Emma Ríos (Vilagarcía de Arousa, 1976). Licenciada en Arquitectura pola Universidade da Coruña, formou parte do colectivo Polaqia, co que publicou a súa serie "A prueba de balas". Tras unha primeira incursión no cómic estadounidense con Hexed, con guión de Michael Alan Nelson, debuxa para Marvel Runaways e unha miniserie do "Doctor Extraño", guionizada por Mark Waid.

"Bella Muerte" (Astiberri, 2014) é a súa terceira colaboración con Kelly Sue DeConnick, orixinalmente publicada por Image, cuxo segundo tomo está a terminar nestes momentos e que publicará Astiberri antes de fin de ano. Gañou o premio á mellor autora revelación no Expocómic de 2008.