A programación do festival, impulsado polas produtoras Etiqueta Negra e El Espectador, e que conta co apoio do Concello da Coruña e de Estrella Galicia, incluirá a gravación dun programa especial de (Estirando el chicle Premio EMHU Fenómeno 2022) desde o castelo de San Antón, ou a estrea en Galicia de Buenismo Show, o espectáculo de Manuel Burque, Henar Álvarez e Quique Peinado baseado en Buenismo bien, o programa radiofónico que presentan. Tamén como novidade, o EMHU acollerá a estrea en España de Garabato controlado, o último show do arxentino Juan Barraza; e a estrea absoluta de novos traballos de humoristas de Galicia: As R(h)umorosas, creado por Marta Doviro, Carmen Méndez e Ledicia Sola, ou Ansia viva, de Oswaldo Digón e o músico Luis Tinaquero.

Humoris Causa este ano reunirá a Eva Hache, Dani Rovira, Javier Cansado e Xosé A. Touriñán sobre o escenario do Palacio da Ópera.

Fantastic Colofon, a gala de peche do evento, nesta ocasión contará con Carolina Iglesias e Pantomima Full e o director artístico do festival, Luis Piedrahita, sobre as táboas do Teatro Colón. Como novidade, o EMHU celebrará a estrea absoluta dunha nova gala de produción propia de gran formato, Animus Iocandi, coa que o evento regresará a Palexco para ofrecer unha sesión desternillante da man de Ana Morgade, Eva Soriano, Leo Harlem e Sílvia Abril.

O EMHU tamén programará sesións dalgúns dos espectáculos máis seguidos do momento. É o caso de ,La capital del pecado 2.0 de Juan Dávila, que se estreará en Galicia no marco do festival, ou La Ruina, o show de Ignasi Taltavull e Tomàs Fuentes que promete ser un dos momentos máis inesquecibles desta edición. Tampouco faltarán esta primavera á súa cita coruñesa co EMHU Ignatius Farray, que presentará La comedia salvó mi vida; ou os protagonistas de Sin datos no hay paraíso, que tras percorrer varias cidades do país despois da súa estrea na edición de 2022, regresa ao festival para celebrar a súa gradación teatral da man de Animalize21, Car de Lorenzo, El Cejas e Xurxo Carreño.

A programación de pago do EMHU 2023 achegarase, ademais, á gran pantalla. O 30 de abril proxectarase por primeira vez en Galicia, no Teatro Colón, Amigos hasta la muerte, a adaptación cinematográfica escrita e dirixida por Javier Veiga da exitosa obra de teatro e que se estreará este mes de marzo no Festival de Málaga. Será unha sesión especial que contará cun breve coloquio e espectáculo no que se citarán, ademais do propio Veiga, Marta Hazas, David Amor e Xosé A. Touriñán. Esta será a primeira mesa redonda que teña lugar no marco da edición de 2023, na que se realizarán diferentes encontros e iniciativas abertas ao público dentro da programación de actividades paralelas.

• 28/04 - 21.30 h - Teatro Colón

  BUENISMO SHOW

• 29/04 - 17.00 h - Teatro Colón

  SIN DATOS NO HAY PARAÍSO

• 29/04 - 22.00 h - Palacio da Ópera

  HUMORIS CAUSA

• 30/04 - 16.00 h - Castelo de San Antón

  ESTIRANDO EL CHICLE EN UN CASTILLO

• 30/04 - 18.00 h - Teatro Colón

  LA COMEDIA SALVÓ MI VIDA

• 30/04 - 20.30 h - Teatro Colón

  AMIGOS HASTA LA MUERTE

• 01/05 - 19.30 h - Teatro Colón

  LA CAPITAL DEL PECADO 2.0

• 03/05 - 19.30 h - Sede Afundación

  AS R(H)UMOROSAS

• 04/05 - 19.30 h - Teatro Colón

  LA BANDA SONORA DE NUESTRA RISA

• 04/05 - 21.00 h - Sede Afundación

  ANSIA VIVA

• 05/05 - 19.30 h - Sede Afundación

  GARABATO CONTROLADO

• 06/05 - 12.30 h - Teatro Colón

  LA RUINA

• 06/05 - 22.00 h - Palexco

  ANIMUS IOCANDI

• 07/05 - 20.00 h - Teatro Colón

  FANTASTIC COLOFON

CONSULTA OS ABONOS PARA O ENCONTRO. SÓ EN LIÑA!

VENDA DE LOCALIDADES

• Venda en liña: Ataquilla.com
• Venda no despacho de billetes central da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h.
• Venda no despacho de billetes do Teatro Colón: unicamente os días de espectáculo dende dúas horas antes do seu inicio.