"Onda Caamaño" é unha proposta escénica que combina teatro e radio para lle render homenaxe á figura de Begoña Caamaño, unha voz fundamental da cultura galega contemporánea.

Un encontro para familias con nenas e nenos de entre 7 e 12 anos, onde a experiencia escénica se converte nun espazo compartido de descubrimento e emoción.

Eva Tato, da Run Run Xogos e Enredos, acompaña esta proposta que constrúe a súa narrativa a partir dun espazo radiofónico ficticio, estreitamente vinculado á traxectoria de Caamaño como xornalista. A través deste formato, reconstrúense lembranzas, ideas e fragmentos da súa vida e pensamento, creando un diálogo co pasado que conecta co público actual.

Unha experiencia que mestura memoria, palabra e emoción para achegar o seu legado dende unha perspectiva viva e contemporánea.

Agardámosvos!