Clara Beltrán (Iria Ares) e Tomás Chamorro (Xoán C. Mejuto) deciden fundar o seu propio medio dixital independente. Teñen talento. Teñen ambición. Pero só son dous. Para parecer unha redacción sólida, inventan unha ducia de identidades. Baixo eses nomes ficticios comezan a publicar noticias que eles mesmos asinan. O experimento funciona. Os lectores crecen. Os clics dispáranse. Ata que un bulo creado para xerar tráfico termina revelando un escándalo político real de enormes dimensións. Da noite para a mañá, o seu pequeno proxecto convértese no medio máis consultado do país... e no obxectivo de todos os poderes. Atrapados, deberán decidir que é máis importante: a verdade... ou o éxito.

Unha comedia áxil, sofisticada e ferozmente actual sobre o teatro cotián do xornalismo e o prezo da credibilidade. Se a verdade é un espectáculo, esta obra é a súa backstage.

VENDA DE ENTRADAS:

• www.ataquilla.com
• Despacho de billetes Pza Ourense (excepto festivos): de luns a venres, de 11.00 a 15.00 h e de 16.30 a 19.30 h
• Despacho de billetes Teatro Colón: desde dúas horas antes do comezo do espectáculo (sempre que queden entradas dispoñibles).