Francisco Escudero (A Coruña, 1958). Entre 1973 e 1978 estuda na Escola de Artes e Oficios da Coruña, onde se gradúa, en 1979, en Artes Aplicadas coa especialidade de Talla de Madeira.

Durante o ano 1980 perfecciona os seus coñecementos das técnicas de talla en pedra da man de dous vellos canteiros; e en 1984 os escultores do taller Fulvio Nicoli (Carrara, Italia) desvélanlle os segredos para esculpir e puír o mármore.

Desde 1983 vive da escultura como profesional realizando obra pública, encargos e obra creativa. En 1997 gradúase de novo en Artes Aplicadas na Escola Pablo Picasso da Coruña, na especialidade de Técnicas de Volume. Desde o ano 2000 céntrase máis na súa obra creativa, participando en numerosas exposicións individuais e colectivas.