María Canosa é unha das autoras máis prolíficas da literatura infanto-xuvenil da literatura galega, ademais de ter publicados obras para outro tipo de público. Publicou numerosos libros de narrativa ou poesía e acaba de iniciarse tamén en dous campos novos: a divulgación científica e a biografía, pensando tamén en achegar os conceptos á xente máis nova. 

Un dos seus últimos libros é "Emilia Pardo Bazán: unha mente poderosa", unha biografía ilustrada (da man de Bea Gregores, editada polo selo Bululú), no que achega a figura da ilustre escritora ás crianzas. Baseándose neste texto, manterá un faladoiro arredor da figura de Emilia Pardo Bazán, resaltando as achegas máis importantes da protagonista en distintas facetas.