O venres 19 de abril ás 18.00 h recibimos, na Biblioteca Fórum, a Pablo Díaz neste contacontos para nenos e nenas de 2 a 4 anos.

Nesta ocasión o músico e contacontos, Pablo Díaz, propón unha viaxe virtual por todo o mundo a través de contos tradicionais e de autor que tratan diversas temáticas: integración, igualdade, valoración da lingua, etc.

Os contos son cantados e contados en galego.

Nas sesións aparecen diversos instrumentos como gaita, percusión galega, clarinete, frautas, harmónicas, e como non, a guitarra para poñer colofón a unha sesión divertida onde poderán cantar varios temas dos seus 5 traballos discográficos.