O martes 1 de agosto, comezaron as Festas de María Pita e, con elas, a súa tradicional Feira do Libro da Coruña que neste 2023 chega á súa edición número 52. Os Xardíns de Méndez Núñez serán de novo un dos espazos centrais das festas da cidade grazas, entre outras, a esta feira.

Nesta edición haberá 32 casetas, dúas máis que o ano pasado. Participarán un total de 13 librarías da cidade, nove librarías chegadas doutras cidades, nove editoriais e unha distribuidora de libros.

Pasarán pola Feira do Libro da Coruña máis de 100 autores e autoras, que presentarán os seus libros ao público coruñés. Haberá dous espazos cubertos onde se levarán a cabo estas actividades todos os días.

Na xornada inaugural dará o pregón a escritora e poeta Dores Tembrás.

A Feira do Libro estará ata o 10 de agosto.