A asociación de makers Bricolabs organiza un ano máis a Feira OSHWDem (Open source Hardware Demonstration) de tecnoloxía aberta que se celebra na Domus o vindeiro sábado 3 de outubro en horario de 10:00 a 19:00 con acceso gratis.

A feira incluirá ao longo de toda a xornada multitude de actividades, como expositores e proxectos que mesturan electrónica, robótica, impresión 3D, radioafición, charlas e talleres para todos os niveis, ademais de competicións de robótica (mini-sumo, siguelíneas, combate, Hebocom).