Seguindo o modelo de espectáculo que experimentamos o ano pasado, únicamente colectivos relacionados coa Asociación van ter presenza no Festival. Falamos do grupo musical Parabéns, que van partillar con nós o seu xeito de entender a nosa música. Con eles teremos gaiteiros, pandeireteiras, cantadoras e cantadores, recitadoras... unha morea de amigas e amigos que entenden que espallar a nosa cultura e facela medrar é unha obriga que temos como habitantes orgullosos desta terra.

Este festival, como todas as actividades do programa "Agra no Ágora" son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.