O festival inclusivo segue medrando e este 2026 a oitava edición do festival "On de Bass" volverase a celebrar ao aire libre, no Parque de Santa Margarita da Coruña, o vindeiro sábado 6 de xuño, a partir das 16.30 h. Este festival é unha celebración do fin da actividade de Dj "Inclusivo", obradoiros impartidos pola Asociación Cultural Negus a usuarios e usuarias de entidades coruñesas que traballan con persoas con algún tipo de discapacidade ou con persoas en risco de exclusión social, e que está enmarcado dentro do proxecto Cultura Accesible, Cultura Inclusiva da Fundación Emalcsa e o Concello da Coruña e coa que colaboran a Fundación María José Jove e o grupo Vegalsa-Eroski.

O "On d Bass" é un encontro familiar e aberto a todos os públicos no que a música será a protagonista nunha xornada inclusiva na que participarán máis de 50 alumnos/as dos obradoiros de Dj Inclusivo, así como o colectivo galego formado por mulleres "Dub in"Soul . A continuación un dos máis veteranos e queridos non só da escena soundsystem galega, senón nacional Manés aka Soundkilla. Para terminar coa grande actuación dun dos/as selectores/as máis recoñecidos/as e activos actualmente en Europa, Alpha Steppa.

Todas estas sesións de Dj soarán a través do primeiro sistema de son artesán de Galicia, Soundkilla Soundsystem.