O máis selecto do indie patrio reunirase o 2 de setembro en Marineda City no MARINEDA UNPLUGGED; un festival que nace con vocación de continuidade e que na súa primeira edición achegará á Coruña a Iván Ferreiro, Anni B. Sweet, La Bien Querida, Ángel Stanich e Sensacional.

Iván Ferreiro. Non necesita presentación: o ex líder de Los Piratas converteuse nunha das voces máis queridas do pop nacional, con traballos como "Canciones para el tiempo y la distancia" (2005), "Las siete y media" (2006), "Mentiroso, mentiroso" (2008), "Picnic extraterrestre" (2010), "Confesións de un artista de mierda" (2011) e "Val Miñor-Madrid. Historia y cronología del mundo" (2013). Chegará a Marineda City tan só uns meses antes de presentar o seu novo traballo: "Casa".

Anni B. Sweet. Tras o seu meteórico ascenso aos ceos do pop - o festival de Benicassim contratouna antes de publicar o seu primeiro disco e Antonio Vega convidouna a abrir un dos seus concertos - a cantautora malagueña é unha das nosas artistas máis internacionais. Tras xirar por todo o mundo, no seu último e terceiro álbum "Chasing Illusions", intérnase no soul dos 60, a pegada rock dos 70 e os sintetizadores dos 80. Pero o que destaca por encima de todo é a súa voz, versátil e única.

La Bien Querida. O seu álbum de debut, "Romancero", foi elixido mellor disco nacional de 2009 polas revistas Mondosonoro e Rockdelux. A bilbaína chega con disco novo debaixo do brazo "Premeditación, nocturnidad y alevosía (remixes)", no que navega entre o pop e a electrónica.

Ángel Stanich. Tras o seu álbum de debut "Camino Ácido", producido polo líder de Arizona Baby, Javier Vielba, Ángel Stanich converteuse nun nome recorrente en carteis de festivais como o Sonorama, o San San, o SOS 4.8 ou o Surfing The Lérez. En febreiro de 2015 viu a luz o seu segundo EP "Cuatro Truenos Cayeron", no que o santanderino viaxa por un universo sonoro no que teñen cabida desde Bob Dylan e Neil Young ata o inimigo Josele Santiago ou Fernando Alfaro.

Sensacional. Completa o cartel de MARINEDA UNPLUGGED a banda coruñesa de pop-rock alternativo Sensacional, formada por Ricardo Saavedra (voz, guitarra e sintes), Ramón Alonso (guitarra e coros), Javier Garrido (baixo), Daria Ruzaykina (teclados e coros) e Juan Zurdo (batería e coros).

Con este concerto gratuíto e que se desenvolverá entre as 20 e as 01h nas terrazas da planta 2, cerramos a nosa intensa programación de verán na que contamos coa emblemática banda madrileña Hombres G, un festival de food trucks ou un skimpark para practicar un dos deportes de moda: o skimboard.